釧路市【阿寒湖愛努kotan】
記錄：2010年8月☁️
👣行程
朝早係釧路和商市場玩完勝手丼
夜晚就要去挑戰船長之家
中間下午嘅時間 就去咗釧路知名湖泊-阿寒湖
冬天 阿寒湖係超級滑雪勝地
8月當然冇雪 當日仲密雲翳焗
但都可以係湖邊 睇下湖
又或者 參加阿寒湖觀光汽船導覽
圍著個湖遊船河 全程85分鐘
仲可以坐快艇仔 10分鐘兜個細圈
似十足以前卡通片啲飛船
如果好似大叔大嬸s 乜都唔玩
咁都可以行商店街嘅
「毬藻之里商店街」
就由「毬藻之里商店街」開始
成街商店都係賣毬藻
一團綠色絨狀球形水植物
係阿寒湖特產
有個時期香港都好HIT 好多地方有得賣
好賣因為養毬藻可以帶來幸褔
故事來由 係阿寒湖一個村落酋長個女
要同自己心愛嘅人成親 但酋長唔俾
小情侶 雙雙投身入阿寒湖殉情
兩人靈魂化成湖底毬藻
今日就成為幸福守護物...嘅商品
(大嬸又塞個頭入去影相)
「幸運之森商店街」
如果鐘意毬藻 有好多毬藻精品選擇可以睇好耐
「阿寒湖愛努kotan」
大叔大嬸s冇逗留太耐繼續前行
好快到達「幸運之森商店街」
幸運之森商店唔再係賣毬藻 大部份係木雕工藝品
間間都雕
襯師傅行開咗 幫佢make a 雕
木雕工藝品真係好多
其中貓頭鷹最多 仲有小狸
如果屋大 買啲番去擺應該唔錯
正因為大叔屋細 冇機會買番去擺
所以都係每間入去打個冷出番嚟
繼續前行 去揾愛努村
沿中會經過白湯川 橋上有個煙灰缸 上面又見北海道觀光區標準代表－貓頭鷹
過完白川湯橋轉角
已經到「阿寒湖愛努kotan」
幾隻巨大貓頭鷹
好似匯豐門口隻石獅子一樣 鎮守住
愛努族係北海道原住民
以前係俾大和民族歧視打壓
迫改日本名同用日文
基本上已經同化 連純正血統都近乎消失
到2008年 日本國會先首次承認愛努人係原住民
兩邊商店 係賣愛努族傳統木雕刺繡工藝品
仲有餐廳 有飲有食
可能已經實在睇咗太多工藝品
反而係街尾愛努族文化區吸引
可以睇愛努古式舞蹈
係指定為聯合國教科文組織世界無形文化遺產
💬激腸體驗
- 雖然長期打壓 但其實都冇得唔認愛努族係原住民 北海道啲地方名 「札幌」 「室蘭」 「小樽」 原本就係用愛努語命名 正視歷史 才能自強於世界
ℹ阿寒湖愛努kotan
沒有留言:
發佈留言