城崎温泉【山よし】
記錄:2016年3月🌞
👣行程
兵庫県城崎温泉係日本温泉百選十名內
今次嚟大阪 都係為咗呢個景點
由大阪坐火車 大概 3個鍾車程🚅
係火車 瞓下烚下 好快就到
假期關係 遊客算多
唔係外國遊客團景點 本地遊客居多
寧靜小鎮好舒服
温泉街頭 已經有好幾間賣一盒盒手信店鋪
之後就有各式餐廳 咖啡店 地酒店
時間尚早 旅館仍在準備中
唯有四週行吓
順便揾地方Lunch
城崎温泉最出名係食松葉蟹🦀同但馬牛🥩
揾到有但馬牛餐廳 - 大幸商店
就先滿足一個願望
上到大幸商店2樓
發覺除咗但馬牛
仲有好多其他選擇
最終試咗雜錦海鮮丼 同但馬牛丼
雜錦海鮮丼
嘩! 刺身新鲜到彈牙
可以媲美係魚市場 食過果啲咁新鮮
呢碗半生熟嘅但馬牛丼
簡直超出預期
生牛肉部分唔會太韌 好好味
日本三大和牛 神戶牛 松阪牛 近江牛
都係源於 但馬牛血統
大叔又未去到識分
總之 就係靚牛肉
ℹ大幸商店
兵庫縣豐岡市城崎町湯島 130
城崎温泉
有櫻花景🌸 紅葉景🍁 夜雪景❄
3月嘅雖然冇 不過本身環境氣氛優雅
實拍
雖然係一間小型湯宿
得5間房
但間房夠晒大 四四方方
晚餐係房serve 夜晚打地鋪
窗景對正條河
聽到源源不絕嘅 流水聲
非常療癒
好似係河邊camping 咁
要浸晒七個外湯有難度
因為房內冇私人風呂
所以放低行行李後
就出發去試
城崎溫泉最有名係7個公眾外湯♨️
一の湯 御所湯 まんだら湯 柳湯
地蔵湯 さとの湯 鴻の湯
每一個湯都有唔同賣點
例如開運招福 良缘成就 子授安產 家內安全...
例如開運招福 良缘成就 子授安產 家內安全...
提議蕙蕙姨👹年初一 嚟浸番個頭注湯
注意每個外湯嘅日休時間都唔同
留意番官網就最update同清楚
大叔最終只係咗浸咗一の湯 同埋 柳湯
要浸晒七個外湯有難度 🧖🏻
又除衫又濕身又乾身又著番衫咁 重複七次
想像一個下午要去晒七區公衆泳池游水就明
嘆支城崎本土手工啤酒🍺
話咗係全蟹 就全部係蟹
朝食都係傳統日式果隻
街上好多店舖有賣 週街見人邊散步邊飲
接近黃昏
係時候返湯宿
迎接 季節限定嘅松葉全蟹宴
《蟹湯》
整天腳步不停縱橫溫泉之間
停下來就是甘甜的火鍋
- 游爾奐
大叔order咗至愛嘅三選地酒
如果飲到啱口味嘅 仲可以係温泉街買
雖然未必有免稅 但係機場亦未必有得賣
服務員一碟一碟咁放滿成枱
話咗係全蟹 就全部係蟹🦀
再嚟蟹脚壽司
蟹膏蟹肉
蟹鉗火鍋
終於有嘢暖下個肚 另一種鮮甜
蟹鉗天婦羅
炸過嘅蟹肉質感 比較實在
食落shasha聲
諗起中式炸蟹鉗
蒸蟹腳
點解好似 食極都係腳嘅
啲蟹身嘅肉呢
大叔至愛嘅烤蟹篕
之前已經做定功課
係youtube睇咗日本人點食
就係加地酒 同少少火鍋嘅湯
立即變成 超超超鮮甜嘅蟹膏湯
蟹肉燴飯
終於揾番蟹身啲肉
不過如果用番頭先果火鍋湯加飯同蟹肉
整番個蟹肉炊飲都唔錯
飲飽食醉 攤咗喺房睇日本綜藝節目
原本都有諗過出去行下夜景
但望出窗發覺有啲凍
都係落樓下旅館內嘅貸切風呂 - 檜風呂
係一間似屋企厠所 加個大浴缸
冇風景冇特別 浸完就算返房 瞓覺
餐蟹宴仍然滯留係條激腸到
💬激腸體驗
- 松葉全蟹宴堅正 不過激腸頂唔順 雖然冇肚疴 但好似少少胃寒
- ⚠️注意失鞋 唔係每個外湯都有私人鞋locker 全人類嘅鞋只係放玄関 當日親眼見有個叔叔浸完揾唔番自己隻鞋 可能被其他人烏龍著錯咗👟
沒有留言:
發佈留言