別府市【山莊神和苑】
記錄：2019年11月🌞
👣行程
完成灶地獄遊
就準備前往令心神排毒嘅湯宿 - 山莊神和莊
導航NAVI話係好近灶地獄
緊住指示行 點知係直出對面街兜番轉頭番嚟
原來山莊神和苑 其實係正灶地獄隔離
自笑白痴
神和莊好大
有本館 別館 新館
今次係住較高嘅新館－「宙」
有架豪華房車專程載大叔大嬸上去
架車留低車匙便可 會代泊車
司機幫手搬埋行理
上到「宙」CHECK IN
有位藍眼歐男招待係LOUNGE度坐
有大嬸最愛嘅ROLL CAKE 加柚子茶
忍唔住想問藍眼歐男邊殊人
點知未開口 佢已經話佢係波蘭人
睇嚟佢一日俾人問幾次
去到房間
個間隔好特別
竟然係門口見牀
格局似去咗做THAI MASSAGE
之後係大廳 偏廳 露台
由牀到露台係長到可以打保齡
同以前借宿過嘅湯宿最大分別
係呢度每一樣物件都好大件
牀好大 梳化好大 茶几好大
露台外超級VIEW
係居高臨下嘅別府温泉地獄勝地
仲會見到好多地方噴出温泉煙
係非常獨有嘅湯煙氣氛
走入浴室 空間都好大
注意 就嚟有特別紹介...
...特別紹介就係呢度
有一個室內私人風呂
兼孖住一個露天風呂係落地玻璃門後面
簡直係"美源浸彩"
係室內浸又得 誇過玻璃門出去浸亦得
得咗
不過感覺似...係露台凌空野外露出
要讚係天然温泉水夠晒熱 一日就浸咗3次
《淼》
流轉光景瞬間
浮沉宇宙淼漫
- 游爾奐
浸完浴 都係懶洋洋係廳睇下電視等食飯
今晚揀咗國產黑牛鐵板燒
想要冰凍啤酒又想俾個肝休息下
有佢 零酒精啤酒
時日例湯 係鮮菇菌菇湯 好季節時令
果然好清嘅鮮味
想飲多碗都冇呀
係時候大厨晒冷
新鮮杋立貝 大塊魷魚 瓜菌菜
仲有隆重登塲.....國產黑牛西冷
杋立貝唔駛講
南瓜 洋蔥 都係原味勁甜
魷魚野味 不過就冇乜驚喜
有機生菜配特製醬汁沙律
好難唔好食㗎喎
黑和牛 大廚表演
脂肪夠晒多 大叔嫌太多油添
瘦番少少更好 純粹個人腸胃喜好
點下啲海鹽柚子椒WASABI 加埋白飯
出面食唔到㗎
嚟到甜品 風格突然大轉
由和式變咗好傳統嘅洋式 估佢唔到
拍得住CHECK IN時果舊ROLL CAKE
晨早起床 陽光普照
清楚望到對面坐山 - 鶴見岳
企响度就有陽光溫暖
放空欣賞別府湯煙絕景
早餐
有和式洋式 揀咗和式
好玩 係啲早餐放咗係3層大木盒內
尋寶 逐層自己拉開
不過都係豆腐 燒魚 沙律 生果...常見湯宿早餐
💬激腸體驗
- 「宙」位置比較高 有啲與世隔絕同冷清 今次冇去大浴場 而由晚餐到早餐都冇遇到其他旅客 適合嚟避靜「本館」近地面 有個大庭園 神樂殿等可以散步 可能會熱鬧啲
沒有留言:
發佈留言