金沢市【志の助】
記錄：2018年11月☁️
👣行程
去到金沢
BOOK咗間比較平價嘅3星「彩の庭ホテル」落腳
平 係因為地點離車站較遠 但自駕遊就冇所謂啦
有自助早餐 大浴場
仲有個內園可以散步 OK喎
晚餐 係一間金沢有名寿司店 「志の助」
正統北陸寿司OMAKASE
係旅館附近 自駕5分鍾一大條直路就到
寿司店位於民居地帶
係一間下舖上居嘅獨立屋
大門有門簾寫著「志の助」唔怕去錯人哋屋企
刺身-魷魚 鯛魚 石川白身蝦
唔知乜嘢係正統北陸寿司
不過期望有齊北陸日本海最地道嘅海產
坐低冇耐 就上頭盤有嘢食
（因為怕影響其他食客 所以只可以影食物）
牛油燒象拔蚌
飲啖啤酒 開始留意四週環境
裝修簡單 多餘嘅擺設裝飾物都冇
唔係走HIGH END路線
枱 櫈 碗 碟 都係最平實果啲
香箱蟹籽蟹膏蟹脚肉
就連寿司主厨(夫)同服務員(婦)嘅服裝
都係低調TONE
應該係主厨夫婦用心打造
一個專注係佢哋食物嘅環境
一個專注係佢哋食物嘅環境
魷魚寿司
開始第一件寿司
係至愛嘅魷魚 細切一條條仲鬢咗辮
飯嘅口感比較硬 醋係用赤醋
硬嘅飯 可能係悉心安排
尤其呢款黑喉係比較有趙口
係要趙多幾下 濃烈油香先出 硬飯啱啱好
唔會飯已經溶晒但仲未趙完舊魚
醬油TUNA寿司
其實係開始之前
服務員靜靜 遞上一張英文紙條
提醒 "味道已經調好 唔駛再加醬油"
石川赤身蝦加蝦籽寿司
明白 OMAKASE 當然係表達主厨認為
最好嘅味道
尤其精心自制嘅甜甘味醬油
但因習慣性 真係好想再加大舊WASABI
等如外國人 係鐘意蝦餃燒賣送白飯
錯晒但係 「愛」呀 ...唯有忍住
雲丹寿司
開始偷描其他8位食客
有夫婦 OL 亦有高級單身男士
但 有一個共通點 就係冇乜講嘢
燒TORO寿司
大家都注意係寿司主厨獻技上
就算傾計 都極為細聲 靜到飲水都唔敢太大聲
氣氛好神聖
池魚寿司
情形 就好似大法師係度做法事
一眾信徒靜默咁圍住個法壇
恭恭敬敬咁接過
每件開光過嘅靈丹聖物
象拔蚌寿司
可能係缺少咗主厨 同客人互動閒聊嘅部分
不過呢啲都係主厨低調STYLE
亦冇任何炫技動作
《當 omakase 也嚐過了......》
然後發現
生活的幸福感
不在於物質與感官的享受
而在於心的交流
- 游爾奐
白子軍艦
醋漬白子係北陸傳統做法
變成醋漬白子軍艦 好穩陣做法
TUNA手卷
埋尾 就係一碌手卷
看似平凡 但即做即食嘅手卷係好好味
乾而脆嘅紫菜係最大功臣
鯛魚頭MISO SOUP
其他人已經走得七七八八
飲埋個湯 都係時間走人
反正主厨應該冇嘢要同大叔閒聊啦
返到旅館 係大浴場冲完凉
顺便係大堂咖啡角冲杯靚熱茶 全日咖啡茶供應
原本帶上房慢慢嘆
見走廊有雜誌兼靚位望向內園
就坐底咗
原來內園嘅夜景感覺唔似係旅館
似係大學宿舍多啲
突然覺得聽朝一早0800有堂要上
💬激腸體驗
- 風格平實 冇整色整水只為IG嘅寿司 味道亦貫徹平實 食材係非常出色 但又好似硬係差咗啲驚喜 唔知係咪成個環境太茍緊 影響咗味感
ℹ志の助
沒有留言:
發佈留言