谷根千【神社▪︎銀坐】
記錄：2016年9月🌧
👣行程
下一站就順便行下附近「谷根千」景點
根津神社同谷中銀座
屬於東京下町 保留古舊面貌 大叔大嬸通稱為阿婆地帶 應該幾有風味
可惜梅雨一直唔肯停
由「釜竹」行番去大街唔遠嘅街口轉角
揾到呢間古老燒米餅店 「大黑座」寫明用紀州備長炭
最正係仍然保留古舊木造式櫃
擺滿林林總總 已經PACK好嘅燒米餅
最終揀咗元祖味道嘅醬油味
味道方面 簡直同由機械製造嘅燒米餅差好遠
唔甜 忠於元味冇添加糖 米嘅密度好高好實在 真正飽肚
好厚好硬 好處係唔易碎 帶住去遠行啱晒 但係食就硬到牙都咬崩
滴滴㗳㗳 避下單車 踩下水氹
好快行到「東京十社」其中一社嘅「根津神社」
算係比較隱藏鬧市中
隔離就係医科大学 同東京大学舊趾 唔算係遊客熱點
佔地唔大 唔需要行百級石䃈 又或行山上斜
直行轉右就可以見到成坐「本殿」 易過商場揾厠所
「本殿」極具歷史 有成三百年 經歷二戰 地震但仍然保留無損 係文化財產
中國人傳統 落雨就冇人去廟拜神
因為相信個神唔係廟內 聽唔到訢求
全場得3，4 PAIR人
仲要好似係烏冬店見過添
大家都係食飽LUNCH嚟散步
除咗參拜祈福 睇杜鵑花亦係「根津神社」一個吸引
每年4至5月 仲有一年一度的杜鵑花祭 報導話有成百種型成嘅杜鵑花海
由百幾個鳥居組成 通去「乙女稻荷神社」
真正嘅挑戰 係要大雨下擔住把遮
行過濶度唔多於一個人嘅迷你千鳥居
要保持把遮唔好俾兩邊嘅柱棘著
離開神社 沿住大街「不忍通り」直行10分鐘
途經「千軚木駅」後 好快就到「谷中銀座」
會見到好多一兩層嘅舊式店舖
以前可能係下舖上居添 好復古好LOCAL人市集
有咖啡 手工藤 甜品小食 鮮肉水果 雜貨 阿婆服裝
因為梅雨 相信當日逛街人數少咗一半以上
但有一間食店 賣土產栗子甜品嘅「和栗や」
仍然滿坐 仲有少數人揼著雨等位添
應該係到點必食之物
但大嬸今次 竟然話唔食？
唔係大雨到耳仔入水聽錯下話
實情係佢尋晚已經係便利店買咗2份栗子蛋糕宵夜 打孖上鯨吞
今次幫佢唔到LU
放棄栗子 大嬸更加需要係咖啡
順便避下雨 入咗一間「滿滿堂 」
店舖好細間 好有日劇FEEL但唔俾影相
睇得出老闆係非常愛咖啡
呢杯咖啡出自佢手工非常認真 由手動磨豆開始
出嚟黑過廿四味 味道要問番大嬸
夕陽階梯
成條街其實好短 好快到街尾
嚟到地標「夕陽階梯」
其實係近「日暮里駅」嘅入口
通常雜誌介紹「谷中銀座」都係用呢個入口做起點
💬激腸體驗
- 「根津神社」作為飯後散步係非常適合 人少少加上環境夠晒幽静 可以盡情釋放頂住個肚嘅胃氣 為下一站「谷中銀座」嘅甜品咖啡作中途緩衝
ℹ根津神社
http://www.nedujinja.or.jp/ℹ谷中銀座
沒有留言:
發佈留言