清水町【十勝千年之森】
記錄：2010年8月🌞
👣行程
十勝有個「千年之森」
非常非常之大 成400公頃
內裡有幾個 唔同THEME嘅園林
由英國園林設計師 DAN PEARSON打造
仲獲得 英國庭園協會 GRAND AWARD 大獎肯定
咁大嘅森林
要輕輕鬆鬆去感受 又想保留腳骨力
最好係 參加SEGWAY滑板車導賞行
每年五月至十月 有得玩
職員安排咗樓上雅坐俾大叔大嬸 等待領導員
領導員先講解一輪
之後就帶大叔大嬸s 進入樹林
即時感受到四週嘅清爽 空氣清新
穿過樹林 去到一個大平草原
已經有SEGWAY滑板車等緊大叔大嬸s
領導員教學由淺入深 英文溝通絕冇問題
SEGWAY滑板車嘅每一PART 都好詳細
由點樣企上車到落車 都重復練多次
確保大叔大嬸s 可以安全操作
不過..大叔大嬸係急速城市長大
好快已經學識點樣前後左右 亦好冇耐性
個心 一早幻想緊高速自由飛馳~
最後 當然要DRIVING TEST
領導員話 大叔大嬸s們玩得好好
問係咪之前有玩過
嘩!氹得下人喎
PASS咗DRIVING TEST
就正式出發
第1個境點 係EARTH GARDEN
EARTH GARDEN 大地の庭
官網介紹係‘’波濤洶湧的草皮丘陵與日高山脈融為一體‘’
果然真實不虛
係要碌上一大遍草皮丘陵
有一大段仲係幾斜添
大約15分鐘後
上到嚟一個高原山脈
全因創辦人 對人類急促發展生活方式正破壞自然環境
全球暖化嘅問題有感而發
佢嘅意念係 為咗真正同自然共存
從而家起 種植呢個森林
目的係 傳遞俾未來1000年 去抵消番所制造嘅二氧化碳
所以稱為「千年之森」
《十勝．十個世紀》
從二十世紀盡頭栽下綠色的種子
為的是千年以後在樹冠上遇見你
- 游爾奐
慶幸有SEGWAY滑板車
行上嚟？半個鐘都未必得
望著一大片 管理得剛好恰當嘅自然環境
感受到 全面貫徹落實同自然共存嘅意念
並唔係掛羊頭賣口號架呢～
FOREST GARDEN 森の庭
離開EARTH GARDEN
進入森林地帶
再唔係平路
要碌過溪河 濕土 樹木
有挑戰性 但難度唔高
背景 由無際嘅平原風聲
換成曲水流動 樹葉輕擺嘅療愈音樂
領導員 帶大家去到一處有長木櫈地方
示意大叔大嬸s休息
但呢個時候 領導員冇休息
反而好忙摷佢個BACKPACK...
原來佢準備咗個保温壺
內裡係預先冲好咗凍奶茶 仲有TOFFEE糖
冇諗過係森林 都有得坐低茶嘆
令愉快輕鬆嘅體驗 加再一對翼
(2012年 FOREST GARDEN 森の庭獲得花園設計師協會SGD AWARDS 大獎及國際獎)
穿過森林 下個SPOT
係另一個似牧場嘅草原
放咗好多一大舊圓碌碌嘅物體...
原來係一碌大乾草卷
牛係北海道大雪冬天嘅儲備乾糧
但當日又唔見有牛
順帶一提 玩SEGWAY滑板車始終係駕駛緊部車
安全起見 如果天氣差( 那怕只係落細雨）都有機會取消
最後 係自由活動時間
領導員話口未完
大叔大嬸s尤如軍訓般 高速四散
據知領導員係呆咗
GARDEN CAFE
片咗一輪車後 導賞行完成 熄匙落車 道謝領導員後
去到一個開放式咖啡店
可惜冇時間坐低享受下佢哋嘅咖啡食物
要盡快起程去十勝地區中心城市帶廣市
MEADOW GARDEN 野の花の庭
咖啡店嘅開揚風景 係MEADOW GARDEN
設計師係要打造一個由野花同園花 和諧交融嘅庭園
趕場關係 錯過了細心欣賞...
(2012年 MEADOW GARDEN 野の花の庭獲得花園設計師協會SGD AWARDS 大獎及國際獎)
💬激腸體驗
- 2010年 SEGWAY滑板車係新玩具 但到今日 就連美國配件工廠都已停產 唔知係咪呢個原因 SEGWAY導賞行變得更加矜貴 如果第1次玩 必須先參加<初級草地課程> 完成後下次先可以再玩<高級森林課程> 即係原本可以一次過體驗 變成需要雙倍時間 可能係希望啲客人用長啲時間去感受大自然之餘 多一個誘因再返嚟呢個「千年之森」
沒有留言:
發佈留言