廣平市【盂蘭盆舞會】
記錄：2010年8月🌛
👣行程
8月15日傍晚1730
到達十勝地區中心城市帶廣市
目標係Local美食十勝帶廣豚丼
早食早休息
但經過好幾個停車場 都FULL晒
街上又泊滿車
揾咗成20分鐘去到個離豚丼店較遠嘅停車場
仲要一千零一個車位
去到豚肉丼店
竟然唔駛排隊？！
明明條街滿人 究竟去駛邊？
十萬個問號
講番呢碗豚肉丼
未食都聞到炭燒香味
開始咗一啖 就完全停唔到口
獨有北海道豚肉嘅嫩爽香
極濃炭燒同甜燒汁入晒味
最近香港2021年終於有專賣店
有機會會去試下 期望有元祖一樣嘅味道
撞正8月15日盂蘭盆節
食完返去攞車途中
發現有啲大街連路都封埋
附近將大件發生
究竟係乜事呢...
正解係 撞正8月15日盂蘭盆節
市中心二丁目廣場附近一帶
正舉行歷時2日嘅「帶廣盂蘭盆舞會」
係十勝管轄內 最大的夏季節🎏
1954年開始舉行至今 已經有60幾年歷史
盂蘭盆節 即係中華文化嘅盂蘭節👻
以前都係農曆7月14
自廢除用農曆後 定每年新曆8月15
沿著人群及路牌指示 行去二丁目廣場
睇見對面馬路非常熱鬧
原來有得掃街
日本人嘅親民B級美食
一家大細都唔去食豚肉丼
走晒嚟呢度掃街
簡直離曬大譜 果果走晒嚟掃街
又唔話俾大叔大嬸知
先出兒童組👧🧑
青少年組
到一群上咗年紀嘅太太出場
帶廣嘅烈火雄心消防隊都有參與👨🚒👩🚒
唔止舞者配合太鼓遊行
除咗冬季新年正月
夏季盂蘭盆節 算係第二大節日
日本係假期 方便啲人回家鄉探親團圓
加上小朋友暑假中
一家大細總動員 出來合家歡節目
繼續跟隨人群
聽到極懷舊嘅日本歌搖 越來越近
就知已經到達 表演主要街道
揾個好位 體驗熱鬧歡愉嘅氣氛
換好浴衣出場啦
好明顯表情比較Hea.. 正常嘅
跳完收工之後 就會精神番㗎啦
雖然係年紀大嘅一群
但對於盂蘭節 都冇一絲忌諱
頭搖又尾擺 跳得好有活力冇甩beat
《餓幫DNA之餘瀾》
渡先人、祭鬼神
其實係聚埋一齊開P等秋收儲糧至真
- 游爾奐
輪到職業單位
揾到一個可愛嘅少女表演者 卡哇伊呢~
係 大叔承認一定要連環拍兼逐格重播
仲有大大架花車 配熱褲中年男
似平日著開西裝 而家除咗條褲
花車上仲有型男揮手
睇咗成晚 大嬸們終於收貨
可以返酒店休息啦 安樂晒
💬激腸體驗
- 農曆7月又14 中華文化一到呢啲日子總係忌諱 起碼盡量唔好咁夜出街 會早啲返屋企 日本于蘭節就剛巧相反 係大節日
- 當晚簡直可以媲美香港年三十晚維園年宵咁隆重 Local電視台都派人採訪 當然大叔大嬸一身遊客個人樣 一早已被採訪隊盯上 係佢哋未過來訪問前 我哋已經自動閃走咗啦😅
ℹ盂蘭盆舞會
沒有留言:
發佈留言