郡上八幡【町島谷】
記錄：2015年6月🌞
👣行程
係高山市食完早餐出發
自駕大約1個鐘
到達郡上八幡
係一個遍滿水路小徑嘅城市
果然 係八幡町「新町」附近泊好車
落車一刻就聽到流水聲
沿著流水聲行
就見到吉田川 亦係城中水路小徑嘅水源
水路小徑 係江戶時代農業嘅灌溉水
經歷不同年代修整
變成民居防火用水 洗衫 及一般生活用水
由越前美濃街道一直行 全部係懷舊町屋
連接一排排民居後 係「新町通商店街」
店舖招牌 路上街燈 都同樣保留懷舊
連接一排排民居後 係「新町通商店街」
店舖招牌 路上街燈 都同樣保留懷舊
街道規劃 仍然保留江户時代嘅樣貌
所以郡上八幡 有「小京都」嘅外號
やなか水のこみち
沿著商店街
一直行10分鐘
到達「やなか水のこみち」
係一條小徑
隱藏於商店行之中轉個弯
由大大小小鵝卵石 鋪成地板
旁邊全部古老排屋
兼有柳樹遮蔭 流水聲
忍唔住 未攰都要坐低休息下
明明望到街頭就係商店街
但一進入呢條小徑
成個氣氛變咗 冇咗觀光商業味
行到街尾 仲有美術館
不過冇入去參觀
反而一心想去「いがわ小径」睇鯉魚
反而一心想去「いがわ小径」睇鯉魚
沿著商店街繼續前行
途中會經過食品樣本工房 - 食品サンプル創作館/さんぷる工房
全文參考 >岐阜學做食品樣本學徒
全文參考 >岐阜學做食品樣本學徒
最正係呢啲咁舊式嘅料理旅館
係咪即係麗晶大賓館？
郡上八幡舊廳旧舍記念館
大約行5分鐘
就到達「郡上八幡舊廳旧舍記念館」
即係郡上八幡前政府大樓紀念館
順便借厠所
發現有個自助Cafe
但啲坐位又吾係餐廳咁
似民初年代啲會議廳 成張大木枱自助坐
撞啱中午
就顺便 簡簡單單食過午餐
Order 咗雞飯
一入口 嘩咁好味嘅
估佢唔到
Check番 原來呢樣係郡上鄉土料理代表
鷄肉軟 味噌味好餸飯
因為冇諗過會留係到食Lunch
所以冇乜影相
官網參考 >
八幡舊廳旧舍記念館好易揾
係正「新橋」隔離
食飽就去睇鯉魚
由八幡舊政府大樓紀念館延伸
不過有大街入口唔行
入咗條民居路
為咗揾「いがわ小径」另一個入口
揾到個細細指示牌
係民居屋與屋之間嘅一條行
真係行快步都MISS咗
いがわ小径
入到嚟又一世外桃源
係一條寬1米 長120米嘅水道
或者叫水渠啱啲
實拍
以前啲居民係夏天會用嚟浸涼啲西瓜
小徑打理得超好 地上水中幾乎冇任何雜物 樹葉都冇
一個規則:
禁止亂拋雜物入水道
捉鯉魚就更加唔得啦 有監刑
注意小徑水道旁邊係民居
算係人哋後花園 所以聲量都係唔可以太滋擾
水道淺而清澈
水中鯉魚自由自在暢遊 唔會怕脚步聲
可以非常清楚咁慢慢欣賞 慢慢散步
可以非常清楚咁慢慢欣賞 慢慢散步
完全同鯉魚自由咁共存空間
《一起走過的舊址》
流連舊區老街小巷人家
流水聲中
有你有我有魚有好天氣
- 游爾奐
自助魚糧箱 自己投銀糧 自己攞包魚糧
餵鯉魚GOGO
行到盡頭
即「いがわ小径」另一邊入口
💬激腸體驗
- 正係大叔全神欣賞鯉魚時 一位居民伯伯剛巧係後門出來 同大叔大嬸介紹有條好大嘅鯉魚 仲指手劃腳話好鍾意匿埋喺啲橋板下面 叫大叔去揾下 睇嚟居民都好客熱情
- 郡上八幡有好多觀光熱點連接主要生活民居可以話只係一街之隔 難得又冇因為咁而影響咗民居 仍然保留古舊面貌 仍然可見到民居前嘅「水道」兼係完全乾淨冇渠味
沒有留言:
發佈留言