記錄:2019年11月🌞
👣行程
大分県嘅九州自然動物公園
佔地115萬平方米的超大型野生動物園
有「小動物交流區」同「野生動物區」
野生動物區
有2種玩法
一 係可以坐叢林巴士(Jungle Bus)
由專業司機帶遊客進入野生動物區
成架巴士設計係一個殼
可以感受到大自然氣温 所以冬季係需要著保暖衣物
坐叢林巴士係可以餵野生黑熊獅子食嘢 不一樣嘅刺激體驗
二 係自駕進入
舒舒服服 嘆著冷氣又或暖氣 活係自己空間去漫遊野生動物區
今次係體驗自駕
買好入場券 攞埋大會提供嘅ipad導航
慢慢進入野生區 佢哋會確保遊客與遊客之間都有相隔距離 有足夠逗留時間
嚟到前面第一道閘口
心情真係有緊張
黑熊、高山動物區 - 野生綿羊
第1區係高山動物
地形係一個又一個嘅山丘
好快就見到一群柏柏里綿羊
有啲食緊草 有啲正在大便 成地都係一粒粒就知啦
仍然保留原始習性 鐘意靠近岩石 作為隱蔽和保護自己
遺憾黑熊先生放咗假 見佢唔到
獅子園區 - 獅王沈思
進入第2區 全區得2隻獅子住晒
揾咗一陣先揾到其中1隻
本應夫暢婦隨 但竟然剩得獅王自己一個
對著棵樹沈思
有時日日對著 間唔中行開下
me time都唔係壞事嘅
草食動物區 - 好奇長頸鹿
第3區最熱鬧 好多連羣結黨
以為佢哋日日見自駕四個轆 已經麻木
呢位好奇嘅長頸鹿
同大叔四目交投 諗緊大叔條頸點解咁短?
後面有一群白犀牛
白犀牛
強烈建以遠觀
亦係注意事項之一
因為任何自駕車損傷 要自己負責
大象大遷移
相對大象比較温如
一家大細就係面前行過
老虎園區 - 孤獨TORA
雖然第4區內總共有4隻老虎
但佢地獨來獨往
冇朋友 冇同伴 享受個體生活
就好似 自己一個放工行緊番屋企
獵豹與斑馬區 - 豹紋與斑馬紋
係第5區另一角落
獵豹何嘗唔係形單隻影
沿著公園邊界嘅鐵絲圍欄一路渡步
其實係咪約好咗同老虎一齊走佬
就係不遠處
竟然有2隻斑馬 好安然咁曬太陽
唔伯獵豹咩 又真係唔駛怕喎
原來獵豹係唔會攻擊身型俾自己大嘅動物
先可以做就一區有豹紋與斑馬紋嘅配搭
羚羊與駱駝區 - 宮崎駿嘅羚角馬
最後一區 有應該係沙漠先見到嘅雙峰駱駝
當唔需要揾水源 揾食物嘅時候
佢哋就係咁 企咗響度
非洲大羚羊
立即連結咗宮崎駿幽靈公主
男主角飛鳥嘅坐騎 羚角馬
大羚羊嘅身型 大到同隻牛一樣
不過如果遇上動物擋路
都千祈唔好落車驅逐
因為四週其實有監察人員
揸住班馬車巡邏
確保安全遊客安全 及開路
任何情況下 永遠唔好落車
ℹ九州自然動物公園
沒有留言:
發佈留言