京都市【嵐山花燈路】
記錄：2012年12月🌧
👣行程
関西12月係特別多節目
除咗神户之光燈節外
仲有一連10日嘅「嵐山花燈路」
嵯峨野觀光線
去「嵐山花燈路」 其中一個玩法
係去坐「嵯峨野觀光線」坐火車🚂
去坐「嵯峨野觀光線」
要先去「JR馬堀駅」 之後再跟指示步行15分鐘
去「嵯峨野觀光線龜岡駅」
14:30 如果越行越見一片鄉土稻田
就正明...行啱路啦
14:45 再見埋個停車場就知到咗
有座啡色 建築物係正隔離
係嵯峨野觀光線嘅龜岡駅大樓
直上三樓
月台 售票處係齊到
龜岡駅
15:00 等車期間研究下條行程
依山靠河嘅鐵道
有4個站 龜岡駅 保津峽駅 嵐山駅 嵯峨駅
全程大約半個鐘行晒
全架火車得有五個車卡
其中5號車卡係半開放式
冇窗加個玻璃頂
天氣好就正啦 可以感受太陽光同山河川中嘅微風
不過5號車卡係當日如果好天氣先即場賣飛
好明顯今次 落雨就唔賣飛 無緣
觀光火車 月台都係景點
講緊嘅 係一排大大小小嘅狸貓家旅
吸引鏡頭
呢度...明明寫著"4号車"
翻譯英文"Car No.4" 都OK...
但又再用英文直譯中文就變成"4輛汽車" ..唔明
"4号車"咪係漢字囉 睇得明喎
15:30 火車終於到嘅一刻
1991年開始營運 係當今日本大部分電器化火車中
仍然少數原用柴油嘅火車🚂
坐位係舊式嘅木椅 古色古香
仲要唔係好大張
如果2個都係大PATPAT就未必FIT噃
車長係月台作最後巡查
即係話 火車就快開啦
出發
沿途中本應風光如畫 春天賞櫻秋天賞楓
但天陰下雨天下
都只有一片煙霧瀰漫
分享唯一一幅經十倍調光 仍然睇得清
16:00 終於到咗嵐山駅
差不多全部乘客都係呢個站落車
原因 係大家都有共同目標
就係要去京都「嵐山花燈路」
嵐山竹林
又有大大小小狸貓係雨中列隊歡迎
今次仲帶埋聖誕帽
京都嵐山花燈路
由嵐山駅落車開始
正式踏上「嵐山花燈路」嘅旅程
先穿過「嵐山竹林 」
再進入「天龍寺」
到最後終點嘅「渡月橋」
除咗修善寺嘅竹林小徑 係各大電視旅遊資訊介紹過
呢條「嵐山竹林」小徑都不遑多讓 係關西嘅代表
一片嘅高高竹林 喺夏天 可以擋住烈日
不過係冬天就倍感清涼
因為到達嗰陣呢 時間尚早
藍黃紫嘅顏色射燈仲未開
同預期畫面差咗好遠
除咗路邊嘅花燈
沿途中放置咗 好多舊式嘅喇叭
放住一啲傳統日本音樂
但可能個喇叭實在太舊喇
淨係聽到啲好淒厲嘅嗚嗚聲~
點解變咗玩靈探👻
最心有嘅地方
就係沿途都會見到 京都花灯路
天龍寺
16:45 走過竹林小徑 就到「天龍寺」
「天龍寺」係世界文化遺產
佔地幾大下 天氣好嘅話 可以好好漫步
曹源池庭園
貴京都五大寺廟嘅「天龍寺」
坐陣本尊就係 釋迦牟尼
不過最有名唔係嚟 供奉 呢位世尊
而係700年前「夢窗國師」設計建造嘅庭園風景
其中 重中之重
就係位於天龍寺本堂外圍嘅 「曹源池庭園」
係要坐喺天龍寺本堂內向外望曹源池
但當日 可能因為避雨
但當日 可能因為避雨
天龍寺本堂竟然滿人
不過唔緊要
人係多 但大家都好安靜咁欣賞
本堂嘅另一邊
係圍牆同門榙
18:00 天都黑齊 又再落大雨
終於嚟到最終點 「渡月橋 」
遠望過去「渡月橋」
又藍又綠嘅射燈 見到一大班人冒雨過橋雜亂嘅聲音 攪到個畫面好詭秘👹
好彩唔係7月...
跟住大隊人一齊過橋
到咗一個公園嘅地方 有草地有平地
仲有花燈燈籠
好似中秋會見到果啲
標榜係京都最靚嘅夜景
一路都安排設置花燈供欣賞
簡直係人力 物力 電力嘅挑戰
亦成功做到
京都政府 原本為咗冬天淡季而攪嘅「嵐山花燈路」
攪咗17年 亦真係變成関西12月熱點
不過已經係2022停辦
官網暫時未公報有乜新攬作
💬激腸體驗
- 冇諗過日本嘅慶典活動 攪咗成17年都會停辦 當日覺得行程好辛苦 又凍又淋雨 而家唔攪喇 又覺得有幸到此一遊 真衰格
ℹ️京都・花灯路推進協議会事務局
沒有留言:
發佈留言