草津町【草津温泉湯滝】
記錄：2019年9月🌧
👣行程
日本三大温泉之鄉
繼有馬温泉 同 下呂温泉之後
終於有機會嚟到草津温泉
景點係 草津温泉湯滝
之前已經上YOUTUBE做定功課
鎖定LIVE CAMERA位置 又再直播揾自己
草津温泉係有啲遠
由東京八重州一路向北 自駕要3個鐘
不過草津温泉係日本第一 在所不計
估唔到9月都落雨 昏暗天
唯有正面啲 讚呢場雨為湯滝週邊降咗温
兼冇咁大煙 影相清楚啲
湯畑
呢個泉穴平均攝氏50度
雖然比唔上別府地獄果啲下下70-90度但都唔可以直接浸 要降温
古人就用啲一條條嘅長木水槽「湯樋」
接連由泉穴湧出嚟嘅泉水
透過水嘅流動散熱
因睇落似一格格田
所以叫「湯畑」
大叔覺得似水上樂園嘅八彩天梯多啲
湯滝
一直冲到落「湯滝」
形成彭湃嘅流水聲
環繞住成個草津溫泉湯淹
真係有人著泳褲冲落嚟你就驚啦
熱乃湯
除咗用「湯畑」降温
仲有傳統全人手降温嘅揉湯
有得睇表演同體驗
表演場地-熱乃湯好易揾 就係湯畑右手邊
見一大條長攏排隊買入場卷
又見一大堆人排隊入場果度就係
實拍
每日6場 30分鐘一場
可惜排到大叔前已經爆滿
唯有買30分鐘後嘅下一場
表演場內有樓上 坐位就真係唔多
大叔大嬸好快意識到數下冇位
真係坐無虛席
所以直上樓上
好彩樓上都OK
有得坐 睇得好清楚
序幕由一段投射影片開始
介紹下歷史背景 週邊散步地點 可以租浴衣等等
踊り
之後「湯女」跳唱組合出場
邊唱歌謠邊跳番part舞
由台上 再跳去到正中大浴盤
湯もみの実演
去到大浴盤
「湯女」各就各位
拎起有成個人咁長嘅大木板
邊揉邊跳邊唱
古人就係靠呢種方法
去令水冷卻到可以俾人浸 但唔會熟嘅温度
溫馨提示 係隻歌謠係好洗腦
洗到宜家一浸熱水 自己就會唱
湯もみ体験
總共兩次體驗 如果坐樓上又想玩
見「湯女」招募就好沖定落去舉手參加啦
就會發現其實「湯女」操作揉湯 係一啲都唔易
要拎著又長又重嘅大木板撥水
難度就等同於要係汕尾以南嘅大浪上爬龍舟
仲要係大浪嘅滾水
踊りと湯もみ
嚟到最後一PART
湯女再次揉湯
今次係猛力拍打 水花同煙湧晒上嚟
《時空穿越的弔詭》
從羅馬浴場來到草津湯滝
圍湊的是揉湯降溫的湯女
還好
搞不好
定標錯位
脫光光走進開封公堂上的威武
- 游爾奐
呢下拍打
就係2014年嘅電影《羅馬浴場II》
男主角穿越到日本嘅場面
場戲就係呢度拍囉
💬激腸體驗
- 草津温泉湯滝四週係有旅館 商店 小食 大叔大嬸臨走前就係商店買咗對鞋 唔記得點解入咗去睇鞋兼買咗對鞋 可能係去完景點睇完表演 成個人心情愉快就洗錢
沒有留言:
發佈留言