京都市【東映太秦映画村】
記錄：2010年12月🌧
👣行程
嚟到京都中午點都食餐京都燒
之後就出發去忍者村訓練營
諗住郁手郁腳學下做忍者
揸咗成個鐘車終於去到
點知 冬季閉館 殘念
好彩知道離唔係好遠嘅地方
有個東映太秦映画村 1975建成
係日本第一個 可以參觀拍劇世界嘅主題樂園
買咗入場卷再行經東映城大門之後
正進入古街場景時
有工作人員舉牌示意拍攝進行中 請安靜提示
有一邊街封咗 遠望一隊古裝人馬列隊兩排
女演員走到男演員面前對話
資料話 每年仲拍緊200部電視劇
有時係封晒成個塲 咁果日就唔開放参觀
係電影村 每個場面都極逼真 有齊道具
好似呢個舖賣雜貨 枱前有齊道具瓜菜
牆上有齊燒酒醬油
唔止鋪內道具齊
連户外木頭車都係推得郁得
有齊圖文並茂 介紹唔同做形
仲有一條叫吉原花街
仿照江户時代嘅煙花之地
成條街都係紅色
成條街都係紅色
之後見到有人著江户古裝
大嬸要同人哋合照
其實唔知係咪工作人員
可能係遊客 參加咗變身體驗
租借咗江户時代啲劇服
體驗下藝妓 忍者 武士裝扮
漫遊江户古劇景兼打卡影相
意想唔到嘅係
原來呢度 都有個忍者屋體驗
有成十多個忍者 會隱藏喺屋內唔同嘅暗格內
大叔大嬸要諗辦法 開機關暗門出走
佢哋會係暗門 突然攝入嚟講解個機關
又會突然 係另一個暗門消失
小朋友一定鐘意
仲有個江户時代嘅歌舞伎劇場
唔好講笑 真係有表演㗎
撞啱係表演係ACTION劇目 武士復仇之類
唔識日文都OK
睇完 捉住呢位專業大奸角合照
但佢原來好攪笑
參觀完外景 有幾個栅內廠境
不過就冇細心行
反而去咗個類似博物館
有互動遊戲 介紹電影村嘅設施同歷史
亦有人形公仔
顯示番曾經拍攝過嘅典型場口
可能係 老一輩嘅集體回憶
會認出每個故事人物
臨走之際
遇到班專業演員
似表演完 等放工送客
好主動同大叔大嬸影相
💬激腸體驗
- 雖然冇環球片場咁大製作 不過如果係関西人 親身見到由細睇電視睇到大嘅場景 應該興奮 驚喜當然係忍者屋 以為錯過忍者訓練營 最終由一班唔多專業嘅忍者幫大叔完成目標行程
ℹ 東映太秦電影村
沒有留言:
發佈留言