神户大丸週边

神戸市【神戶大丸】

記錄：2016年3月🌞

👣行程

関西機場真係勁繁忙

一落機就打仗咁

有人趕轉火車

大叔大嬸就趕買去城崎温泉嘅火車票

打晒蛇餅 一排就排咗成個鐘

從此不敢再踏足関西機場

終於由機場出到神户三宮

CHECKIN 完酒店小休一會

再出動已經太陽落山

嚟到大丸百貨神戶店附近 

大嬸去SHOPPING 大叔去剪頭髮

特別係 呢區有唔少歐洲式商業建築 

週邊全部都係店舖

大丸已經多嘢睇 

仲要加埋週邊商舖 真係可以行成個下午

大嬸得一個鐘時間 因為要返去理髮店接大叔

剪完頭髮 啱時間食晚飯

其實飛関西之前 已經問日本人関西有乜好食

日本人一副諗樣 話最好食西餐

関西料理又真係冇乜出名
冇頭緒 撞入一間樓上西餐

點知原來係居酒屋 不過西式裝修

又會咁嘅...

Ok 先嚟2杯大啤酒

ORDER咗個燒鳥7件SET 包沙律

鷄胸...如果唔係SET包咗 基本上係唔信嗌

鷄肉軟骨係成舊

鷄肝係新鮮嘅 唔係乾柴果啲

新鮮鷄皮

鷄心 新鮮冇急凍過 好大舊

鷄肶肉

芝士煙肉包鷄肉串

《迴》

當天出發的島嶼一早由西轉中

到着的東瀛城市滿目歐洲景象

想在那城覓一頓好西

洋化外裝卻竟是日式居酒

然後這誤打誤撞的一期一會

如夢幻般不留名堂寶號

人生的期待與相遇

從來就是來回輾轉的誤會與重逢

希望的和得到的

更多時是意料之外

到最後

一切不過剎那浮雲

風吹過雨散落

然後大家繼續踏上征途

完成未完的旅程

 - 游爾奐

後面突然火光紅紅 

搶火搶到成功吸引晒全場客人嘅注視

正想影幅相 

好玩熱情嘅関西人已經擺好POST 

俾個V

原來攪到咁大火 係關大叔大嬸事

係ORDER咗嘅炭火燒地鷄

勁野味 係好熱氣但忍唔到口

地鷄 真係特別滑同彈口

好彩 係銅鑼灣一間居酒屋都有得食

再追加最愛嘅燒鷄翼

不過唔係一般燒鷄翼 係入有包餡嘅手羽餃子

饀係餃子嘅豬肉同菜 好飽肚

💬激腸體驗

• 間樓上居酒屋真係亂撞 撞到揾唔返資料 不過案照日本標準 味道係一般般 除咗炭火燒地鷄