飛驒市【道軌單車遊】
記錄：2015年6月🌧
👣行程
上午去完八村鄉合掌村
全文參考 > 感受鄉土風情嘅合掌村
下午就趕去飛驒市神岡町
玩道軌單車遊「GATTAN GO」
原本唔係太耐嘅車程
遇上連續幾條山路工程變單程行車
結果...遲到
道軌單車遊 其實就係廢置鐵道軌上踩單車
因為遲到關係
原本同一時段嘅其他参加者已經出咗發
大叔大嬸趕快準備
跳上係軌道上孖住嘅2部單車
聽工作人員講解操作
今次係體驗「城鎮路線」
由[奧飛驒溫泉口駅]＞[神岡大橋駅]＞[飛驒神岡駅]＞[神岡礦山駅前]
感覺係似撘叮叮電車 冇乜避震鐵撞鐵
原來後面有位工作人員吊尾
確保安全 唔自拍都唔知
路線全程 來回要5.8公里
其實架單車有電動摩打輔助
所以如果慢慢踩 體力唔夠都冇問題
過咗[神岡大橋駅]
就會見到成條紅色嘅神岡大橋
之後要穿過2個山洞
首先係神罔第二山洞
凍到連鷄皮都起埋
一入山洞 立即感覺温度跌幾度
山洞比較長
踩下踩下 就會發覺 凍到連鷄皮都起埋
仲有陣涼風
唔係咁驚驚下話
再穿過神罔第一山洞
四週環境一轉
由叢林變成民居
應該就快到[神岡鑛山駅前]
到達終點[神岡鑛山駅前]
會合其他準時出發嘅參加者
由工作人員 將架電動單車調頭回程
可以小休之餘 落車影相留念
回程 開始陰天想落雨
與其他参加者一齊
一條氣破風衝番去起點
番嚟起點
大嬸又嚟童年缺失系列塞果頭入影相板自拍
返到酒店 攰到爆炸
小休一會後 輪到個肚就打鼓
整日行程 體力消耗
一定要食飛驒牛補充
除咗可以堂食
仲可以外買飛驒牛
等入坐時 正研究有冇可能買番香港呢？
好快安排入坐
好快ORDER 咗個「盛 」
其實有啲貪心 因為係有細一個size
高山手工麥酒
梗係要試啦
登登登登...
飛驒牛登場 有唔同部位
不過最終
都係歸納係大叔嘅激腸部位
睇落唔多
但食落就好多
因為飛驒牛油量非常重
兼非常重牛味
大叔已經FEEL到食滯咗
可能要2倍菜嘅份量先吸得晒啲油
💬激腸體驗
- 遲到之故 玩道軌單車遊GATTAN GO好急 冇乜機會慢慢欣賞四週風景 回程時又似快落雨要揼行油返起點 似操體能多過玩
- 全因為大叔貪心之故 覺得平過香港好多 ORDER咗大份飛驒牛 結果必然係引起激腸反應 之後就滯咗2日
ℹ道軌單車遊
沒有留言:
發佈留言