駅二市場【元祖活いか釣堀】
記錄:2013年8月🌞
👣行程
平時街市唔願去 日本街市一早來……
函館第二日 朝早已經到達景點 - 函館朝市
話明係朝市 即係剩玩朝早
又唔駛早過平時返工 不過中午過後就逐漸收舖
本地人如果去買餸應該會早啲 因為晏咗係有旅行團
函館朝市其實有分室外市集 駅二市場 同橫丁市場
室外市集似築地外圍 有蔬菜水果 海鮮燒烤
駅二市場似和商市場 有海味乾貨 海鮮濕貨 仲有魷魚活釣
橫丁市場係海鮮刺身丼飯堂 十幾間任揀
9點幾 室外市集已經有旅行團進駐 唔只一團
冇停溜太耐 直去駅二市場
除咗價錢日日唔同之外
魷魚種類都係seasonal
基本上種類分上半年 同下半年
不過大叔邊識分
詳細資料官網有介紹
之後交俾師傅 即場處理魷魚刺身拼盤
最後去埋橫丁市場 正正經經食個Lunch
雖然大賣點係 各式各樣嘅海鮮刺身丼
但經過八日七夜 大叔已經食咗好多刺身
條脷完全麻木 冇驚喜冇嘢share
💬激腸體驗
- 魷魚出水時會狂噴水 自己小心避之餘 要顧及埋週邊嘅人 無謂要人一早心算8 + 26
- 至於殘忍嘅問題 大叔覺得係殘忍 誠心懺悔😶
- 當日外國遊客比較鐘意玩活釣 本地人就少玩不過鍾意在旁影相
沒有留言:
發佈留言