彦根市【比内地鶏 ほっこりや】
記錄:2018年5月🌧
👣行程
「尋找高橋愛家鄉」之旅第3日
到達滋賀県彦根市
「尋找高橋愛家鄉」之旅第3日
到達滋賀県彦根市
要去夢京橋城堡大道食親子丼🐔
實拍
對大叔以言 親子丼 唔係去日本必食之物
係香港 好多日式餐廳都有賣親子丼
係香港 好多日式餐廳都有賣親子丼
咪就係有的蛋 鷄 同俾啲汁噏到濕溚溚嘅飯
蛋 雞 飯 各自各
完全食唔出吸引之處
大叔以為 親子丼係日式頹飯
等同港式餐肉蛋頹飯
等同港式餐肉蛋頹飯
直至有次電視介紹 話東京都人形町
有間親子丼發源專賣店「玉ひで」
係日日排晒長龍
係日日排晒長龍
食頹飯都要排長龍? 唔信!
終於有次係東京 就去呢間元祖鋪...望下
結果係 成下午1點 都仲要排
左手邊位上班大哥個表情好似話:
唔係化成下午1點都咁X多人排嘅😱
更正!! 因為成下午1點先咁"少"人排
有心食 係要1100之前嚟排 打晒蛇餅
好可惜當日無緣試食
(因為已經食飽咗人形町另一名物-黑天丼)
有理由懷疑 親子丼應該唔係咁頹飯
只係未試過好嘢 想像唔到可以去到幾高
唔緊要 今次去嘅「比内地鶏 ほっこりや」
亦係夢京橋人氣極高嘅 親子丼專賣店
可能因為大梅雨🌧
兼已1330關係 唔駛排隊
一入玄関 大大支旗話你知
親子丼專賣店
鷄香 蛋香 飯香 形成一體但味道分明
鷄肉拉麵
比內地鷄嘅肉非常彈口 唔黐牙
清雞湯底 係只可以用鮮味無比嚟形容
唔係講笑
味道足夠開間拉麵專門店都得
清雞湯底 係只可以用鮮味無比嚟形容
唔係講笑
味道足夠開間拉麵專門店都得
《don don don 丼飯》
丼丼丼 (粵 dam2 dam2 dam2) 丼啲餸喺飯面
就係 丼丼丼 (日 don don don) 丼飯
「......我梗係知啦!」
- 游爾奐
鎮店名物親子丼
終於知道 親子丼 原來係可以去到神級味道
雞 嫩滑彈口嘅鷄 兼有炭燒香味
蛋 半熟蛋滑 將濃鷄汁味鎖咗入去
飯 係比例啱啱好嘅飯
鷄香 蛋香 飯香 形成一體但味道分明
鷄香 蛋香 飯香 形成一體但味道分明
如果啲蛋唔係啱啱好半熟 鎖著濃鷄汁 啲鷄汁會濕溚溚落晒啲飯到
成個煮法嘅時間要撑握得極好 ⏱
由鷄同蛋上碗 冚蓋到出厨房上客人枱
如果太耐 半熟蛋就會焗熟變老蛋 功虧一簣
有幸食到咁完美嘅示範✅
實在不可怪大叔殘忍 食人全家 殺雞取卵...
証明親子丼絕唔係頹飯
只差在煮嘅人有幾認真對待
只差在煮嘅人有幾認真對待
燒雞肉串生蛋
呢味都好好 不過可能係免活肉碎
發揮唔到比內地鷄嘅特質...
發揮唔到比內地鷄嘅特質...
💬激腸體驗
- 大叔幾年前 專登係Tokyo Hands 買專門用嚟煮親子丼嘅鍋 睇咗好多YouTube 上教學 嘗試煮咗好幾次 以為已經做到接近嘅味道 但經此一食 大叔已經完全放棄 因為實在差太太太遠 可能人地係經過學師努力十年先做到 算罷啦
沒有留言:
發佈留言