余市郡【余市蒸溜所】
記錄：2013年8月🌞
👣行程
早幾年 香港興起日本威士忌
唔知大部分係用嚟飲 定用嚟炒
不過大叔知道識飲嘅都唔少大叔對威士忌認識
由小時外公食飯 一定要㗳番杯威士忌
之後大學 學人飲威士忌
K場Johnny Walker 溝綠茶(而家聽落都覺傷身）
余市 就有間好有名嘅余市蒸溜所威士忌酒廠 Nikka Whisky
同另一間威士忌酒廠 Suntory Whisky
係日本兩大龍頭酒廠
香港熟悉嘅日本威士忌
「山崎」 「白川」 「響」 就係出自Suntory
Nikka 就出 「余市」 「竹鶴」
Nikka Whiske嘅創辦人 竹鶴政孝
係堅去咗蘇格蘭學習釀酒技術
亦係日本第一位 由蘇格蘭引入釀製威士忌技術
被稱為日本威士忌之父
當年係余市選址
因為佢認為呢度面向日本海 水源同空氣都靚
氣候似蘇格蘭 好認真㗎
(註:日後當大叔再細味品嚐 又真係飲到有少少海鹽鹹味)
參觀嘅地方幾大
好平靜 可以慢慢行
1936年建造 非常西式
已經被已列為國家文化財產
都可以係呢度 了解下成個釀製過程
非常有教育性 兼有實物睇
呢個「煤炭直火蒸餾」
就係跟足竹鶴政孝係蘇格蘭實習嘅酒廠制造
亦係令佢地嘅威士忌 有醇 厚 香嘅技術
今時今日仲用緊
真係被爆買到一支難求
當大叔了解咗釀威士忌原來又要烘乾 發酵 仲要蒸溜 逐滴逐適收集
腦中第一樣諗嘅係 邊個發明威士忌架 好復雜喎
第二係 威士忌 應該好好品嚐
2007年 日本威士忌係國際攞咗好多獎
從此歐美港台 都開始入貨
因為日本 自從90年代經濟泡沫低迷後
出產威士忌已經少咗 即原酒少咗
要靚嘢高年份嘅酒 又要釀十至廿年
邊有咁快出到產
博物館仲收藏咗竹鶴政孝
同蘇格蘭太太Jessie Roberta Cowan嘅近身物件
2014年 係Nikka Whisky 創立80周年
NHK TV 拍咗套關於竹鶴政孝嘅日劇
其中實景都係余市蒸溜所拍攝
大叔都有係酒店睇過一集 不過唔知係咪重播
不過唔係免費
點解係蘋果汁
要免費試飲
就係去品酒室
留意相中左邊一杯杯黃色嘅唔係威士忌
係蘋果汁
點解係蘋果汁？大叔唔知
但網上資料話
原來酒廠前身係「大日本果汁株式會社」
當時第一批威士忌 要入桶幾年後先買得
全靠賣余市特產 - 蘋果汁嘅收入 頂住間廠
咁唔酒嘅人 可以飲杯蘋果汁
亦可記念呢一段歷史
鐘意可以自己加冰 或熱水
不過2015年Nikka Whisky宣佈停售「余市」
最後唔知點解 冇買「余市」
因為見人爭住買「竹鹤」 所以買咗
仲要冇免兌
攪笑在幾日後返港時係機場有得賣
仲係免兌
但今時今日 機場已經冇「竹鶴」賣
💬激腸體驗
- 大叔支「竹鶴」已經飲咗大半支 可能有人會話唔係咁晒下話 宜家炒到唔知幾錢啦喎 你又唔識飲... 又係嘅 大叔真係唔識 不過冇所謂啦 錢都係用嚟換自己鐘意嘅嘢 支酒暫時又唔係炒到可以換豪宅遊艇 如果價值越升越高 下次再品嘗時 自我感覺都會幾良好
ℹ北海道余市郡余市町黒川町 7-6
沒有留言:
發佈留言